ҚР Қаржы нарығын реттеу және дамыту агенттігі азаматтарды қабылдады

Қазақстан Республикасы Қаржы нарығын реттеу және дамыту агенттігі қаржылық қызметтерді тұтынушылардың құқықтарын қорғау аясында азаматтарды қабылдады.

Қабылдау барысында азаматтардың қаржылық сауаттылығын арттыру және қаржы пирамидаларына қарсы іс-қимыл жасау, кепілдік кредиттік қарыздарды қайта қаржыландыру, Ипотекалық қарыздарды қайта қаржыландыру бағдарламасына қатысу, қарыздар бойынша бланкілік қалдықтарды есептен шығару, сондай-ақ халықтың әлеуметтік осал топтарының өкілдері үшін қарыздарды қайта құрылымдау мәселелері қаралды.

2021 жылы Агенттікке азаматтардан шамамен 21,8 мың өтініш келіп түсті, барлық өтініштердің 72,5%-ы банк секторына тиесілі. Микроқаржылық қызметті жүзеге асыратын ұйымдардың қызметі мәселелері бойынша өтініштер 8,3%-ды, сақтандыру нарығы субъектілерінің және коллекторлық агенттіктердің өтініштері 2,4%-ды құрайды. Басқа ұйымдарға қаралған өтініштердің жалпы санының 14,4%-ы тиесілі.

2022 жылдың басынан бері азаматтардан шамамен 18,7 мың өтініш келіп түсті, 71%-ы – банк секторы, микроқаржылық қызметті жүзеге асыратын ұйымдардың қызметі мәселелері бойынша – 10%, сақтандыру нарығы субъектілерінен – 2%, коллекторлық агенттіктерден – 2%, сондай-ақ өзге де ұйымдардан қаралған өтініштердің жалпы санынан – 15%.

Қаржылық қызметтер көрсету мәселелері бойынша консультациялар беру және құқықтық көмек көрсету, сондай-ақ проблемалық қарыздар бойынша ұсыныстар әзірлеу мақсатында Агенттік 2021 жылы 722 сот отырысына, 2022 жылдың басынан бастап 433 сот отырысына қатысты, оның ішінде шешімдердің 80%дан астамы қарыз алушылардың пайдасына шығарылды.

Толығырақ: https://www.gov.kz/memleket/entities/ardfm/press/news/details/422383?lang=kk

• 16.09.2022
• 357