Агенттік экономикаға кредит беру мәселелері бойынша жұмыс кеңесін өткізді

2022 жылғы 5 қыркүйекте Агенттік Ұлттық Банктің, Ұлттық экономика министрлігінің, Қаржы Министрлігінің, "Астана" халықаралық қаржы орталығының (АХҚО), "Бәйтерек "ҰБХ" АҚ, "Самұрық-Қазына "ҰӘҚ" АҚ және Қазақстан қаржыгерлері қауымдастығының өкілдерімен жұмыс кеңесін өткізді. Кеңес тақырыбы экономиканың нақты секторына кредит беруді кеңейту жөніндегі ұсыныстарды талқылау болды.

Кеңес барысында корпоративтік секторға кредит беруді шектейтін кедергілер талқыланып, бұл мәселені шешуге бағытталған шаралар ұсынылды. Атап айтқанда, бизнесті кредиттеуге ынталандыру жөніндегі реттеуші шаралар, банктерді ұзақ мерзімді қорландыру көздерін кеңейту жөніндегі ұсыныстар, сондай-ақ нақты секторға кредит беруді қолдау бағдарламаларына ұсыныстар талқыланды.

Агенттік қарыз алушылардың өзара байланысы өлшемшарттарын оңайлату және жоғары өтімді қамтамасыз ету тәуекелінің сомасынан шегерілетін тізбені кеңейту есебінен бір қарыз алушыға тәуекелді есептеу тәртібін оңтайландыруды (К3 нормативі) ұсынды.

Бизнеске кредит беруді ынталандыру үшін 2024 жылға дейін ШОБ кредиттері мен синдикатталған қарыздарды тәуекел-саралаудың төмендетілген мәндерін 50% деңгейінде ұзарту ұсынылды. Бұдан басқа, кредиттердің құнсыздану өлшемшарттарын оңтайландыру және коммерциялық және тұрғын жылжымайтын мүлік, айналымдағы тауарлар, off-take келісімшарттары және мемлекеттік-жекешелік әріптестік шарттары бойынша ақша түсімдері түріндегі кепілдер бойынша өтімділік мәндерін арттыру есебінен банктердің кепіл саясатына қойылатын талаптарды төмендету. 

Толығырақ: https://www.gov.kz/memleket/entities/ardfm/press/news/details/422688?lang=kk

• 16.09.2022
• 314