Юрий Ильин азаматтарды жылыту маусымы басталар алдында жылыту және электрмен жабдықтау жүйелерін ретке келтіруге кеңес берді

Заң жүзінде Министрлікке тұрғын үйлердегі өрт дабылын және газдануды бақылау жүйелерін орнату міндеттелді.

Бұрын бұл нормалар тек биіктігі 10 қабатты және одан жоғары ғимараттар, көп пәтерлі тұрғын үйлер үшін қарастырылған болатын.

2014 жылдан бастап тұрмыстық және коммуналдық-тұрмыстық тұтынушылардың газ жабдығының қауіпсіз пайдаланылуын бақылау әкімдіктерге жүктелген.

Газ жабдықтары мен баллондардың жарылысы кезінде өлімге жол бермеу мақсатында министрлік Азаматтық қорғау академиясының базасында газ-техникалық қызметтердің өңірлік инспекторларын оқытуды өткізді.

Қосымша газ толтыру станцияларының иелерімен, тұрмыстық тұтынушылармен газ жабдығын және тұрмыстық газ баллондарын пайдалану қағидалары бойынша түсіндіру жұмыстары жүргізіледі.

Осы мәселенің маңыздылығын ескере отырып, халықпен кездесу барысында Министр азаматтарды жылыту маусымы басталар алдында жылыту және электрмен жабдықтау жүйелерін ретке келтіруге, мұржаларды алдын ала тазалауға кеңес берді.

Сонымен қатар, Юрий Ильин тек жарамды газ жабдығын пайдалану қажеттілігі туралы еске салды. Екі қабаттан жоғары қабатты көп пәтерлі үйлерде газ баллондарын пайдалануға тыйым салынады.

• 23.09.2022
• 279