Ұлттық" ақшаны жылыстатуға қарсы " жүйенің ФАТФ ұсынымдарына сәйкестігін бағалау бойынша ЕАТ бағалаушылары жұмысының бірінші аптасы аяқталды

Сарапшылар мемлекеттік органдар өкілдерімен және ҚР Қаржы мониторингі субъектілерімен кездесті. Олардың қатарында ҚМА, ІІМ, ӘМ, ҚМ, МСМ, ЦДИАӨМ, Жоғарғы Сот, Ұлттық Банк, Сыбайлас жемқорлыққа қарсы іс – қимыл агенттігі, Бәсекелестікті қорғау және дамыту жөніндегі агенттік, "Астана" халықаралық қаржы орталығының өкілдері, сондай-ақ жеке сектор өкілдері-лизингтік ұйымдар, төлем ұйымдары, айырбастау пункттері, пошта операторлары, адвокаттар мен нотариустар бар.

Сұхбат барысында сарапшы-бағалаушылар құқық қорғау және мемлекеттік органдардың тәуекелдерді азайту және ақшаны жылыстатуға қарсы іс-қимыл саласындағы қызметімен танысты.

Реттеуші мемлекеттік органдармен сессияларда қадағаланатын қаржы мониторингі субъектілерін реттеу мәселелері бойынша да талқылаулар өтті. Реттеушілер тарапынан тәуекелдерді түсіну мәселелері қозғалды.

Сарапшыларға қаржы мониторингі субъектілерінің қызметі, олардың өнімдері мен қызметтерін өз қызметінде пайдалану тәуекелдерін барынша азайту бойынша қабылдаған шаралары, клиенттерді сәйкестендіру бойынша пайдаланылатын өнімдер және т. б. туралы ақпарат ұсынылды.

Бұдан басқа, КЖ/ТҚҚ жүйесінің барлық қатысушыларының қаржылық мониторинг агенттігімен өзара іс-қимыл тетіктері көрсетілді.

• 23.09.2022
• 262