Түркістанның болашағы жарқын

Бүгін Түркістан облысына жұмыс сапарында Президент Қасым-Жомарт Тоқаев өңірдегі экобелсенділермен және жастармен кездесіп, пікір алмасты. Түркістанды көгалдандыру жұмыстары барысымен танысып, жас табиғат жанашырларының ұсыныс-пікірлерін тыңдады. Түркістанға тал егіп, жастарға отаншылдық бағытында ой қозғады.

«Отанды сүю осындай адал еңбектен, пайдалы жұмыстан басталады. Еліміздің әрбір азаматы еңбекқор болуы керек. Баршаңызды қолдаймын, мақтан тұтамын. Өскелең ұрпақ – біздің үмітіміз, еліміздің болашағы. Біз ардагер болып мәңгі билікте отырмаймыз. Менің ең үлкен мақсатым – жастарға жол беру», – деген Президент шаһардағы жасыл алқапқа оң бағасын берді.

Іссапар барысында Қасым-Жомарт Кемелұлы қаланы жаяу аралап, өңірді дамыту бағытында нақты тапсырмалар берді. Түркістанның инфрақұрылымы қаланып, жайлы қалаға айналғанын айта келе туризмді дамытуға басымдық беру керектігін жеткізді. Жергілікті жұртпен кездесуде де маңызды мәселелерді қозғады. Біз Мемлекет басшысының тапсырмаларын орындау, ел сенімін ақтау бағытында бар күш-жігерімізді саламыз. Түркістанның болашағы жарқын екеніне сенімім мол.

• 27.09.2022
• 244