Қажылық және умра министрі Тауфик бен Фаузан бин Мухаммад Аль-Рабиа бастаған Сауд Арабиясынан келген делегациямен кездестім

Қажылық және умра министрі Тауфик бен Фаузан бин Мухаммад Аль-Рабиа бастаған Сауд Арабиясынан келген делегациямен кездестім. Кездесу барысында екі ел арасындағы әуе тасымалын одан әрі арттыру және ұшу географиясын кеңейту төңірегінде әңгіме өрбіді. 

Осы ретте Қазақстан мен Сауд Арабиясы арасындағы авиация саласындағы ынтымақтастық артып келе жатқандығын атап өткім келеді. Қазіргі таңда екі елдің авиациялық билігінің бірлескен жұмысының нәтижесінде қажылық парызын орындаушылар үшін тікелей чартерлік рейстер де ұйымдастырылған.

Қазіргі уақытта Сауд Арабиясының азаматтық авиация билігі басшыларымен келіссөздер жүргізіп жатырмыз. Нәтижесінде авиакомпаниялардың екі ел арасындағы жолаушылар тасымалын аптасына 4-тен 8-ге дейін арттыруды көздеп отырмыз. 

Өз кезегінде әріптесім Тауфик Фаузан Аль-Рабиа елдер арасындағы тікелей рейстердің ашылуы өзара қарым-қатынасты нығайтуға елеулі үлес қосатынын, сонымен бірге әуе тасымалын орындауға саударабиялық авиакомпаниялар да мүдделі екендігін айтты.

• 28.09.2022
• 290