Құрылыс саласы қызметкерлерін кәсіби мерекелерімен құттықтау!

Құрылыс саласы қызметкерлерін кәсіби мерекелерімен құттықтау!

Құрметті құрылыс және автожол салаларының қызметкерлері!

Сіздерді кәсіби мерекелеріңізбен шын жүректен құттықтаймын.  

Құрылысшы – ең қажетті мамандықтардың бірі. Адамдар жайлы баспанада тұрып, жақсы жолмен жүруі үшін сіздер күн-түн демей еңбектенесіздер. Сіздердің жұмыстарыңыздың нәтижесі еліміздің әлеуметтік-экономикалық дамуына тікелей әсер ететіндіктен, зор маңызға ие.  

Бүгінгі таңда Қазақстанда бұл салаларда «Нұрлы жер» және «Нұрлы жол» сияқты мемлекеттік бағдарламалар табысты іске асырылып жатыр. Олар тұрғындардың өмір сапасын арттыруға, азаматтардың баспаналы болуына және жаңа жұмыс орындарын ашуға мүмкіндік береді.

Сіздердің алдарыңызда әлемдік ауқымда елеулі жетістіктерге жеткен құрылыс саласын әрі қарай дамытып, өркендету міндеті тұр. Тек 2020 жылдың бірінші жартыжылдығында 52 мың баспана салынды.

«Нұрлы жол» мемлекеттік бағдарламасы аясында республикалық және жергілікті маңызы бар 9,8 мың шақырым жолды жөндеу жоспарланып отыр. Оның ішінде 2,6 мың шақырым республикалық жолда қозғалыс биыл ашылады.

Сіздер құрылыс және автожол салаларын әрі қарай жаңғырту бойынша жаңа ауқымды міндеттерді орындап, еліміздің тұрғын үй құрылысын арттыру, жолдардың сапасын жақсарту, барлық өңірде инфрақұрылымдық жобаларды іске асыру сияқты маңызды жұмыстарды табысты атқаратындарыңызға сенімім кәміл.  

Ерен еңбектеріңіз үшін алғыс айтамын.     

Барша құрылысшыларды, жол саласы қызметкерлерін және сала ардагерлерін кәсіби мерекелерімен құттықтай отырып, ұзақ ғұмыр, мықты денсаулық, бақ-береке, істеріңізге табыс және сәттілік тілеймін.  

• 08.08.2020
• 373