Кеншілерді кәсіби мерекемен құттықтау!

Кеншілерді кәсіби мерекемен құттықтау!

Құрметті тау-кен өндіру өнеркәсібінің қызметкерлері!

Сіздерді кәсіби мерекелеріңіз – Кеншілер күнімен шын жүректен құттықтаймын.  

Кенші мамандығы отандық өнеркәсіптегі ең күрделі әрі батылдықты қажет ететін салалардың бірі, себебі бұл жолды өмірлік ісі ретінде таңдаған адамдар күн сайын ерлік жасайды.

Осы мамандық өкілдеріне арнайы құрмет көрсету дәстүрі бүгінде әртүрлі елдерде тұратын көптеген адамдарды біріктіреді. Кеншілердің қиын еңбегі кез келген мемлекеттің табысты экономикалық дамуының маңызды бағыты болып табылады.

Қазақстан көмір қоры бойынша көшбасшы елдердің ондығына кіреді. Көмір қорының 90% - дан астамы елдің солтүстігінде және орталық бөлігінде шоғырланған.

Тәуелсіздік жылдары отандық көмір өндіруші кәсіпорындар 2,6 млрд.тоннадан астам көмір өндірді, 0,7 млрд. тоннадан астам көмір таяу және алыс шетелге экспортталды.

Бүгінде республиканың көмір саласы электр қуатын шамамен 70%-ын өндіруді, кокс-химия өндірісінің жүз пайыз жүктемесін қамтамасыз етеді, сондай-ақ коммуналдық-тұрмыстық сектор мен халықтың отынға деген қажеттілігін толық қанағаттандырады.

Сонымен қатар, елімізде "Қазақстан Республикасының көмір саласын дамыту жөніндегі 2019-2021 жылдарға арналған Жол картасы", "2019-2020 жылдар кезеңіне арналған коммуналдық-тұрмыстық мұқтаждықтар мен халыққа арналған көмір өнімдеріне қажеттілік жоспары" жүзеге асырылуда.

Сіздердің барлықтарыңызға осынау қиын жұмысыңыз үшін ризашылығымызды білдіреміз. Жоғары кәсіпқойлық пен табандылықтың арқасында кеншілер ұжымдары алдағы уақытта да еліміздің экономикасын дамытуға лайықты үлес қосатынына сенімдімін.

Бүгінгі таңда жұмыс әдістері жаңартылып, жетілдірілуде, бірақ ең бастысы — сала еңбеккерлерінің көптеген ұрпақтарының даңқты дәстүрлері сақталуда. Кеншілер күні-бұл кен өндіру өнеркәсібі ардагерлеріне алғыс айту, кеншілер ісіне жауапкершілікпен қарау, топтық рухқа, жанқиярлыққа таңданысын білдіру мерекесі.

Кәсіби мереке күні барлық кеншілер мен ардагерлерге мықты денсаулық, бақыт пен амандық, кез-келген бастамаларыңызға табыс пен сәттілік тілеймін! Қолдарыңыз дерт көрмесін. Ең бастысы, түсу саны әрқашан көтерілістер санына тең болсын.

• 29.08.2020
• 434