ЕХӘҚМ-де Қырғыз Республикасының Қазақстандағы елшісімен кездесу өтті

ҚР Еңбек және халықты әлеуметтік қорғау министрі Тамара Дүйсенова Қырғыз Республикасының Қазақстан Республикасындағы Төтенше және Өкілетті елшісі Дастан Дюшекеевпен кездесу өткізді.

Тамара Дүйсенова Еңбекминінің ақпараттық жүйелері, мүгедектігі бар адамдарды сырттай куәландыруды және Отбасының цифрлық картасын енгізу, әлеуметтік қолдаудың жаңа шаралары және ҚР Әлеуметтік кодексінің жобасы шеңберінде көзделген жұмыспен қамту саласындағы жаңа саясат туралы хабардар етті.

Тараптар мемлекеттік көрсетілетін қызметтерді автоматтандыру мен цифрландыру, Қазақстандағы шетел азаматтарын және шетелдегі Қазақстан азаматтарын жұмыспен қамту мәселелерін талқылады.

Дастан Дюшекеев Қазақстанның әлеуметтік-еңбек саласындағы мемлекеттік қызметтерді цифрландыру және электрондық еңбек биржасы базасындағы жұмыспен қамту қызметтерінің супермаркетін қалыптастыру жөніндегі үздік тәжірибесіне қызығушылық танытты.

Сонымен қатар, Министр мен Елші екі ел арасындағы зейнетақы және әлеуметтік қамсыздандыру саласындағы өзара іс-қимыл мәселесін қарастырды.

• 29.09.2022
• 297