Машина жасаушылар күнімен шын жүректен құттықтау

Құрметті машина жасаушылар!

Құрметті сала ардагерлері!

Қымбатты әріптестер!

Сіздерді кәсіби төл мерекелеріңіз – Машина жасаушылар күнімен шын жүректен құттықтаймын!

Машина жасау саласы еліміздің әлеуметтік-экономикалық дамуында үлкен маңызға ие.   

Бүгінгі таңда машина жасау саласы заман талаптарына, нарықтың қатал заңдарына бейімделіп қана қоймай, сенімді қадаммен өркендеп, нақты өсім көрсетіп отыр.

Жұмысшылар мен инженерлік-техникалық мамандардың сан мыңдаған ұжымдарының ерен еңбегі арқасында машина жасау саласы кәсіпорындары өнімдерінің сапасы мықты, сенімділігі жоғары.   

Сала мамандарының жоғары кәсіби шеберлігі, ғылыми және техникалық мол әлеуеті, сауатты басқарушылық шешімдері мен кәсіпке деген адалдықтары жаңа нарықтарды игеріп, инновацияларды кеңінен енгізуде сенімді тұғырға айналды. 

Бүгінгідей шуақты мерекеде сіздерге мықты денсаулық, ұзақ ғұмыр, баянды бақыт, еңбекте жеміс, отбасыларыңызға амандық, шаңырақтарыңызға шаттық тілеймін.

• 26.09.2020
• 359