Қазыналы қарттарымыз аман болсын!

Түркістанда Халықаралық қарттар күні мерекесі аталып өтіп, қарияларға ерекше құрмет көрсеттік.
Қазақ халқында «Қарты бар ел қазыналы ел» деген нақыл сөз бар. Үлкенді сыйлау, оларға құрмет көрсету – ата-бабадан келе жатқан салтымыз. Облыста 179 мыңнан астам ардагердің әлеуметтік жағдайларын жақсарту мақсатында әр түрлі бағытта жұмыстар атқарылып, мәдени-рухани өмірге белсене араласуына қолайлы жағдай жасалуда.

Ел Президенті Қасым-Жомарт Тоқаев жуырда Түркістан тұрғындарымен кездесуде шаһарға қолдау жалғасатынын айтты. Бұл ретте аға буын өкілдерінің де қосар үлесі мол. Сондықтан ардагерлерімізге,  қазыналы қарттарымызға құрметпен қараймыз. 
Айтулы мереке қарсаңында Түркістанда «Белсенді ұзақ өмір сүру» орталығы ашылды. Орталықта күнделікті 70 зейнеткерге тиісті қызмет көрсетіліп,  жылына 2500 ардагер тынығады. 
Жалпы облыста «Белсенді ұзақ өмір сүру» орталықтарының саны 10-ға жетіп отыр. Егде жастағыларды сауықтыру мақсатында жыл сайын облыстық бюджет есебінен «Ардагерлер үйі» мен «Мейір» ардагерлер үйлерінде жыл сайын 8 мыңға жуық қария денсаулығын түзеп келеді.

• 01.10.2022
• 319