Сотталғандар үшін электрондық өтініш берудің жаңа тәсілі туралы

Мемлекет басшысының адам құқықтары мен заң үстемдігін қорғау саласындағы тапсырмасын орындау аясында Құқықтық статистика және арнайы есепке алу жөніндегі комитеті терминал арқылы сотталғандарға электрондық өтініштер беру мүмкіндігін қамтамасыз ететін бағдарламалық құрал  әзірледі.

Пилоттық жоба Ақмола облысының ЕЦ-166/55 мекемесінде іске қосылды және 2021 жылы терминалдар Қылмыстық-атқару инспекциясы комитетінің барлық түзеу мекемелерінде орнатылды.

Қазір терминалдардың көмегімен сотталғандардың қылмыстық іс жүргізу және атқарушылық заңнама мәселелері бойынша өтініштер беруге және жауаптар алуға мүмкіндігі бар.

Прокуратура органдары мен соттарға (шартты түрде мерзімінен бұрын босату, жазаның өтелмеген бөлігін неғұрлым жеңіл жазамен ауыстыру мәселелері бойынша), түзеу мекемелерінің әкімшілігіне (сотталғандар тарапынан зорлық-зомбылық бойынша) электрондық өтініштер мен бейне-өтініштер беру мүмкіндігі іске асырылды.

Сотталғандардың түзеу мекемелері жағдайында пайдаланушыны сәйкестендіру үшін электрондық-цифрлық қолтаңбаларды қолданудың қиындығына байланысты терминалдың бағдарламалық қамтамасыз етуінде биометриялық авторизацияның функционалы (саусақ ізі бойынша) іске қосылды.

Прокурорлар үшін терминалдан келіп түскен өтініштерге мониторинг жүргізу мақсатында барлық өтініштерді тиісті уақытта мәртебелерін көрсете отырып, сондай-ақ кестелік деректер мен диаграммаларды қалыптастыруға мүмкіндігі бар модуль жұмыс жасайды.

Қазіргі таңда терминалдар арқылы 3558 өтініш қабылданды, оның 67-сі бейне-өтініш.

Жоба енгізілгеннен бастап өз құқықтарын жүзеге асыруға оң әсерін тигізетіні туралы сотталғандармен бірнеше рет атап өтілді, өйткені өтініштер мекеме әкімшілігінің қатысуынсыз және бақылауынсыз жолданады. 

• 03.10.2022
• 237