Мемлекеттік көрсетілетін қызметтер саласындағы жаңалықтар туралы

Қолданыстағы еңбек заңнамасында сыбайлас жемқорлық қылмысын жасаған адамдар үшін белгілі бір шектеулер көзделген.

Үміткерлер квазимемлекеттік сектор ұйымына жұмысқа құжат ресімдеу кезінде сыбайлас жемқорлық қылмысын жасағаны туралы мәліметтердің болуы не болмауы туралы анықтама беруге міндетті.

Егер бұрын басқарушылық функцияларды орындауға байланысты лауазымға адамдарды жұмысқа орналастыруға жол берілмесе, қазір квазимемлекеттік ұйымдарға жұмысқа орналастыруды шектеу барлық лауазымдарға қолданылады.

Бас прокуратураның Құқықтық статистика және арнайы есепке алу жөніндегі комитеті адамның сыбайлас жемқорлық қылмысын жасағаны туралы мәліметтер беруді мемлекеттік көрсетілетін қызметтер саласына ауыстырды.

Мемлекеттік қызмет көрсету үшін құжаттарды қабылдау және беру «электрондық үкіметтің» www.egov.kz веб-порталы арқылы жүзеге асырылады. 

Көрсетілетін қызметті орындау мерзімі 10 минут, қосымша анықтау үшін тексеріс  жағдайында - 5 жұмыс күні.

Сондай-ақ қызметкерлерге қатысты мәліметтерді олар келіскен жағдайда «жеке кабинет» және (немесе) sms-растау арқылы алу үшін көрсетілетін қызмет жұмыс берушілерге де қолжетімді болады. Мұндай көрсетілетін қызметті мобильді азаматтар базасында тіркелген кезде ғана алуға болады.

• 04.10.2022
• 239