Құрылыс пен аббатандыру үйлесімді атқарылуы тиіс

Түркістандағы жаңа тұрғын үй кешендері мен жаңа нысандардың құрылысы бір сәтке де тоқтап жатқан жоқ. Ол үшін облыс әкімдігі тарапынан тиісті қолдау көрсетілуде. Әр нысанның жұмыс барысын бақылап, кестеден кешікпеуін қадағалап келеміз. Мердігерлермен кездесіп, олармен бірге құрылыс барысында кездесетін кедергілерді жедел шешуге әзір екенімізді жеткіздім. Құрылыс пен аббаттандыру жұмыстары уақытылы, үйлесімді атқарылуы тиіс.

Жеке инвестор есебінен салынып жатқан «Turan» футбол академиясының құрылыс алаңында болдым. Республикалық деңгейде оқу-жаттығу орталығына айналатын бұл нысанда 10 футбол алаңы, 300 орындық қонақүйі бар. Жоба 2024 жылы толық жүзеге асады. Инфрақұрылым мәселесі реттелсе, орталық ертерек пайдалануға берілмек.

Бүгінде облыс орталығында жеке инвесторлар есебінен салынған тұрғын үйлер саны артқан. Солардың ішінде «Feb Turkestan», «Yassy Green House», «Park View Residence», «DEL&Invet» және өзге де компаниялар салған тұрғын үй кешендерін аралап көрдім. Түрлі сәулет үлгісінде салынған үш қабатты үйлер және коттедждер Түркістанның ажарын аша түспек. Мердігерлерге әр үйдің құрылысы талапқа сай болуын ескерттім.

• 06.10.2022
• 293