Көктемгі су тасқынына дайындық барысы талқыланды

Апталық аппараттық отырыста көктемгі су тасқыны кезеңіне дайындық жайында кеңінен талқыладық. Су тасқыны мен селдің алдын алу – маңызды мәселе. Төтенше жағдай департаменті бірнеше жауапты басқармамен бірлесіп, алдағы жылдарға арналған су тасқынына қарсы іс-шаралардың кешенді жоспарын әзірлеуі керек. Қанша қаражат керек, қай аумақтардағы су нысандары бірінші жөнделу қажет екенін саралап, бұл мәселені жүйелі түрде шешеміз. Тұрғындардың қауіпсіздігі басты назарда болуы тиіс. Жалпы 41 су қойманың ішінде 4 жаңа қойма бар, 21 қойма жөндеуден өткен болса, қалған 16 су қоймасы жөндеуді талап етеді.

Маңызды мәселелер қатарында аудан, қалалардағы инженерлік желілер жөніндегі деректерді цифрландыру және түгендеу жұмыстары тұр. Сонымен бірге, өңіріміздегі тұрмыстық қатты қалдықтар тастайтын полигондар реттеліп, талапқа сай болуы тиіс. Полигондар қараусыз қалған аудан, қала басшыларына жұмысты ширатуды тапсырдым. Ауыл-аймақтарда күл-қоқыстарды кез келген жерге тастап кету фактілері жыл сайын көбейіп келеді. Халық арасында түсіндіру жұмыстары өз деңгейінде жүргізілуі керек. Азалықты сақтай алмаған әкімнің басқа тірлігі туралы айтудың өзі артық. Тазалық – табалдырықтан басталады. Айналамызды таза ұстау өз қолымызда. Мәселені бюджетке бұрып қойып, отыру – ақылға қонымсыз. Бұл тірлік – тікелей әкімдердің міндеттері. Тазалықты ретке келтіре алмай отырған әкімдерге шара қолданылады.

• 06.10.2022
• 275