Т. Дүйсенова Ұлытау облысының тұрғындарына Жолдаудың іске асырылуы мен Әлеуметтік кодекстің жобасы туралы айтып берді

ҚР Еңбек және халықты әлеуметтік қорғау министрі Тамара Дүйсенова Ұлытау облысына жұмыс сапары аясында Сәтбаев қаласы мен Ұлытау ауданының тұрғындарымен кездесу өткізді. Министрлік басшысы өңір тұрғындарына ҚР Президентінің Қазақстан халқына Жолдауында айтылған тапсырмаларын және ҚР Әлеуметтік кодексінің жобасында көзделген әлеуметтік-еңбек саласындағы жаңалықтарды іске асыру барысы туралы айтып берді.

Қазақстанның жаңа өңіріне сапардың екінші күні Тамара Дүйсенова Ұлытау ауданына барып, Жұмыспен қамту орталығының жұмысымен танысты, көпбалалы аналармен, мүгедектігі бар адамдармен, ҮЕҰ өкілдерімен және жастармен кездесті.

Сондай-ақ, Сәтбаев қаласында Министр көпбалалы аналармен, мүгедектігі бар адамдармен, ҮЕҰ өкілдерімен кездесу өткізді.

Халықпен кездесу барысында Еңбекминінің басшысы Президенттің Қазақстан халқына Жолдауында айтылған тапсырмаларын іске асыру және Әлеуметтік кодекс жобасында көзделген маңызды заңнамалық новеллалар – Отбасының цифрлық картасын енгізу, Электрондық еңбек биржасы базасында цифрлық экожүйені қалыптастыру, азаматтарды жаппай оқыту үшін жаңа мүмкіндіктер, жастарды жұмыспен қамтудың жаңа тәсілдері, балалы отбасыларды қолдау шаралары, арнаулы әлеуметтік қызметтер жүйесін жаңғырту, зейнетақы төлемдерін арттыру туралы егжей-тегжейлі айтып берді.

Сонымен қатар жұмыс сапары аясында Тамара Дүйсенова Жезқазған мыс балқыту зауытының жұмысымен танысады және кәсіпорынның еңбек ұжымымен кездеседі.

• 06.10.2022
• 368