Қазақстан мен Сингапур арасындағы сауда-экономикалық қатынастарды дамыту перспективалары

Премьер-Министрдің орынбасары – сауда және интеграция министрі Серік Жұманғарин Премьер-Министр Кеңсесіндегі министрмен, Сингапур Республикасының екінші Сыртқы істер және білім министрі доктор Малики Османмен келіссөздер жүргізді.

Кездесуге қатысушылар сауда-экономикалық, қаржы-инвестициялық және көлік-коммуникациялық екіжақты өзара ынтымақтастықтың кең ауқымды мәселелерін талқылады.

Премьер-министр кеңсесіндегі министр, доктор Малики Осман жылы қабылдағаны үшін алғысын білдіріп, нәтижелі келіссөздердің арқасында Қазақстан-Сингапур байланыстары дәйекті түрде кеңейетініне сенім білдірді. Өз кезегінде Серік Жұманғарин Қазақстанның Сингапурмен сауда-экономикалық саладағы өзара тиімді қарым-қатынастарға мүдделілігін атап өтті.

2022 жылғы қаңтар-тамызда Қазақстан мен Сингапур арасындағы тауар айналымы 1,2 млрд долларды құрады, бұл 2021 жылдың сәйкес кезеңімен салыстырғанда (0,6 млрд доллар) 99,2%-ға жоғары.

• 11.10.2022
• 316