Қазақстанда сауда желілерімен сауда үстемесін төмендету туралы 60-тан астам меморандумға қол қойылды

Қазақстанда жергілікті атқарушы органдар ірі сауда желілерімен сауда үстемесін 10% - ға дейін төмендету туралы меморандумдар жасасты, ү.ж. 14 қазанына өңірлерде 60-тан астам меморандумдарға қол қойылды, - деп хабарлады ҚР СИМ Сауда Комитетінің баспасөз қызметі sauda_komiteti.

ҚР СИМ Сауда комитетінің төрағасы Ержан Қазанбаевтың айтуынша, меморандумдарға қол қою,  баға белгілеудегі маңызды кезең болып табылады. Қазір сауда үстемесі меморандум шеңберінде 15% - ға дейін төмендейді, бұл Қазақстанның ірі сауда желілерінде әлеуметтік маңызы бар азық-түлік өнімдерінің бағасын төмендетуге мүмкіндік береді.

Өткен аптада Шымкент қ, Алматы, Қостанай, Ақтөбе, Атырау, ШҚО, БҚО, Абай, Түркістан облыстары  "Магнум", "Small", "Анвар", "Астықжан" және т.б секілді ірі сауда желілерімен меморандумдар жасалынды. Осы аптада Астана қ., Павлодар, СҚО  мен Жамбыл облыстары меморандумға қол қойды.

Естеріңізге сала кетейік, бұған дейін ҚР Премьер-Министрінің орынбасары - Сауда және интеграция министрі Серік Жұманғарин азық-түлік қауіпсіздігін қамтамасыз ету және әлеуметтік маңызы бар азық-түлік тауарларының бағасын тежеу бойынша селекторлық кеңес өткізіп, онда әлеуметтік маңызы бар өнімдерге 10% - дан аспайтын сауда үстемесін сақтау туралы меморандумдар жасасу қажеттілігі туралы мәселе қаралған болатын.

Айта кету керек, ҚР СИМ Сауда комитетінде негізгі азық-түлік тауарлары бағасының өсу динамикасының деректерін талдаудың дұрыстығын арттыру үшін қоғамдық бақылау жұмыс істейді. Тұрғындардың ӘМАТ тізбесіне кіретін өнімдерге жоғары бағаға өтініштерін қабылдау үшін call-орталық құрылды. Шағымдар Facebook, Sauda_komiteti және sauda_inform Instagram әлеуметтік желілеріндегі Министрліктің ресми аккаунттары арқылы да қабылданады.

• 14.10.2022
• 202