Парламент Мәжілісінде «Үкімет сағаты» өтті

Парламент Мәжілісінде «Үкімет сағаты» өтті. Ол жерде  депутаттарға еліміздегі автомобиль жолдарының жай-күйі мен дамуы туралы айтып, журналистердің сұрақтарына жауап бердім.

Мемлекеттің күретамыры — автожолдар. Өңірлерге жұмыс сапары барысында ең алдымен жолдағы құрылыс жұмыстарының барысын тексеремін. Бұл ретте жол жөндеу жұмыстарының сапасына назар аударуға тырысамын. 

Алдыңғы жазбаларымда еліміздің жолдарында жүргізіліп жатқан жұмыстар туралы айтқан болатынмын. Осы орайда аталған жұмыстар сапалы жүргізіліп, уақытылы аяқталуы тиіс деп санаймын. Әсіресе, ең үлкен көлік артерияларын қалпына келтіру мәселесі маңызды. 

Бір айта кетерлігі, Мемлекет басшысының тапсырмасы бойынша біз бүгінге дейін басталған жобаларды аяқтауға ниеттіміз. Автожол саласындағы мұндай жобалардың саны 17, жалпы көлемі 4 мың шақырымды қамтиды. 

Жалпы, биыл құрылыс жұмыстарымен 11 мың шақырымнан астам жол қамтылды, оның ішінде республикалық желі бойынша 7 мың км.

• 18.10.2022
• 317