Кипрмен халықаралық шарттар туралы

Кипр Республикасында  Кипрдің Әділет және қоғамдық тәртіп министрі Стефи Дракумен  ұстап беру туралы, қылмыстық істер бойынша құқықтық көмек туралы шарттарға қол қойдық.

Қол жеткізілген уағдаластықтар активтерді қайтару жөніндегі ведомствоаралық комиссияның жұмысына да көмектеседі.

Ұстап беру туралы шарт тараптарға бір мемлекетте қылмыс жасаған және екінші мемлекетте жасырынып жүрген іздеудегі адамдарды қылмыстық жауапкершілікке тарту және сот үкімдерін орындау үшін экстрадициялауға мүмкіндік береді.

Қылмыстық істер бойынша құқықтық көмек туралы шарт екі елдің құқық қорғау және арнайы органдарына күдіктілер мен айыпталушылардың кінәсінің дәлелдемелерін алуға, соның ішінде қылмыстық жолмен алынған ақша қаражатын және өзге де мүлікті тәркілеуге және оларға тыйым салуға мүмкіндік береді. Шарт Президенттің тапсырмасы бойынша құрылған Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссияның жұмысына көмегін тигізеді.

Сонымен қатар, жұмыс сапары аясында бас қадағалау органының басшысы Кипрдің Бас прокуроры Джордж Саввидиспен және осы елдің Ішкі істер министрі Никос Нуриспен кездестім. Біз трансұлттық ұйымдасқан қылмысқа қарсы күресте, сондай-ақ адам және азамат құқықтарын қорғау саласында ынтымақтастықты нығайту үшін бірлесіп жұмыс істейтін боламыз.

• 21.10.2022
• 240