Түркістан облысында жаңа зауыт ашылды

Ордабасы ауданы, Бадам ауылдық округінде «Bokei» қыш зауыты іске қосылды. Тәулігіне 100 мың дана қыш шығаратын зауыт «Бизнестің жол картасы» мемлекеттік бағдарламасы арқылы қолдауға ие болған. Заманауи қондырғылармен жабдықталған зауыт облысымызбен қатар еліміздің өзге де аймақтарын сапалы кірпішпен қамтуға қауқарлы.

Ордабасы ауданында бүгінгі таңда 40 кәсіпорын жұмыс істеп тұр. Олар өңдеу өнеркәсібі, тау-кен өндіру, электр энергиясымен жабдықтау салаларын қамтыған.

Мемлекет басшысы Қасым-Жомарт Тоқаев биылғы Жолдауында шағын және орта бизнеске ерекше қолдау көрсетуді тапсырды. Тиісті жұмысты атқарамыз. Өңір басшыры ретінде менің де ұстанымым – кәсіпорындарды көбейту. Кәсіпкерлерге жеңілдетілген несие беру, әкімшілік кедергілерді жою және тиісті инфрақұрылыммен қамтамасыз етуге бағытында жұмыстарды күшейтеміз.

Республика күні қарсаңында Ордабасы ауданында тағы бір қуанышты жаңалық болды. Шұбарсу елді мекенінде 280 балаға арналған бастауыш мектебі пайдалануға берілді. Өмірхан Қозыбақ атындағы мектеп жеке кәсіпкердің өз қаражаты есебінен салынған. Келесі жылы жаңа мектепте жоғары сынып оқушыларына арналған ғимаратпен қатар жазғы спорттық алаңы мен жоғары сынып оқушыларының зерттеу жұмыстарына арналған жылыжай салу жоспарлануда.

Аудандар мен қалалар, әсіресе, шалғай ауылдардың әлеуетін көтеру – басты мақсаттарымыздың бірі. Бұл бағыттағы бастамаларға қолдау көрсету жалғасады.

• 24.10.2022
• 210