Республика күніне орай кезекте тұрғандарға көптен күткен баспана кілтін табыс еттік.

Қоныс тойын тойлап жатқандардың арасында ерекше қажеттіліктері бар балаларды тәрбиелеп отырған отбасылар, толық емес отбасылар, мүгедектер, жетім балалар, зейнеткерлер, көпбалалы отбасылар, бюджеттік ұйымдардың қызметкерлері және т.б. бар. Пәтерін көптен күтіп, кезекте тұрғандарға баспана кілтін беру жұмысы «Нұрлы жер» бағдарламасы арқылы Отбасы банкімен бірлесе жүзеге асырылды.
Тұрғын үй кешені құрылысы қарқынды түрде жүріп жатқан ауданда (Жағалау шағын ауданы, Е-20 көшесі) орналасқан. Бұл маңайда жақында 4 мың оқушыға арналған 2 ауысымды мектеп аштық, сол сияқты өзге де әлеуметтік нысандар бар. Көктемде ауданды абаттандыру, сол сияқты әлеуметтік нысандар салу жұмысын ары қарай да жалғастырамыз.
✅Мемлекет тұрғын үй мәселесіне ерекше көңіл бөледі. Мемлекет басшысының тапсырмасына сәйкес жыл сайын қолжетімді әрі жеңілдікті тұрғын үй саламыз. Мәселен 2018 жылы 1800 әлеуметтік пәтер, ал 2019 жылы осындай 2900 пәтер салынса, соңғы екі жылда 17 мыңға жуық әлеуметтік пәтер қолданысқа берілді. Сонымен қатар тұрғын үй бағдарламаларына қатысушылар санаты кеңейді, тұрғын үй сертификатының сомасы 1 миллион теңгеден 1,5 миллионға дейін ұлғайды.
Сондай-ақ, қаладағы құрылысы ұзаққа созылған нысандарды аяқтау жұмысын ары қарай да жалғастырамыз, қауіпті тұрғын үй кешендерін жөндейміз, ал тозығы жеткен, апатты күйдегі тұрғын үйлерді бұзамыз және т.б.

• 26.10.2022
• 234