Түркістанда «Түркі әлемінің орталығы» ғимараты салынады

Өткен жылы 31 наурызда түркітілдес мемлекеттердің ынтымақтастық кеңесінің бейресми саммитінде ҚР Президенті Қасым-Жомарт Тоқаев Түркістан қаласында түркі халықтарына ортақ сәулет нысанын салуды тапсырған болатын. Осыған орай Түркістанда «Түркі әлемінің орталығы» нысанының сәулеттік-көркемдік келбетін, кешенді сәулет тұжырымдамасын әзірлеу үшін республикалық ашық байқау ұйымдастырылды. Байқауға қатысушыларға Түркістанның тарихи келбетін сақтай отырып, жаңа нысанның тұжырымдамасын әзірлеу талабы қойылған. Республикалық байқауға ұсынылған жобалармен танысып, сәулетшілермен кездестім.

Түркістанның әрбір нысаны талапқа сай болуы тиіс. «Түркі әлемінің орталығы» ғимараты атына сай болып, құрылыс саласының соңғы технологиялары қолданылған жөн. Оған уақыт та, мүмкіндік те бар. «Түркі әлемінің орталығы» ғимараты түркі тілдес елдердің бірлігі мен ынтымағын білдіретін рухани орталыққа айналуы тиіс.

• 27.10.2022
• 217