ТҮРКСОЙ ұйымының бас хатшысымен кездестім

Түркі мәдениетін және өнерін дамыту халықаралық ұйымының (ТҮРКСОЙ) Бас хатшысы Сұлтан Раевпен кездесіп, Түркістанды жаһанға мәлім ету жолындағы тың жобаларды, Түркістанда өтетін бірқатар маңызды шаралардың барысын талқыладық. Сонымен қатар халықаралық «Turkistan» телеарнасын түркіге ортақ ақпарат алаңына айналдыру, түркітілдес елдерде телеарнаның бөлімшелерін ашу туралы сөз қозғадық.

Түркі мемлекеттерінің өзара байланысын арттырда ТҮРКСОЙ-дың миссиясы зор. Түбі бір түркі халықтарының мәдениетін дәріптеп, мәдени құндылықтарын сақтау жолындағы еңбегі ерен. Күллі түркі әлемінің рухани астанасы ретінде біз де мәдениет пен өнер саласындағы мәселелерге баса мән береміз. Бұл бағыттағы бастамалар мен тың жобаларға қуана қолдау білдіреміз. Ұлттық тағылымы мол, жаңа танымдық жобаларға және әдебиет пен ғылымды дамытуға бағытталған бастамаларға айрықша назар аударамыз.

• 27.10.2022
• 239