Түркістанда түркі елдерінің балуандары бас қосты

Түркі әлемінің рухани астанасы — Түркістан төрінде алғаш рет қазақтың ұлттық күресінен «Turan barysy» додасы өтті. Бұл Азия кубогына 6 елден ең мықты балуандар келді. Өздеріңізге белгілі, ұлттық спортымыз — қазақ күресінен Әлем, Азия, Африка және Еуропа чемпионаттары өткізіліп, дамудың жаңа деңгейіне көтерілді. «Қазақстан барысы», «Еуразия барысы» және «Әлем Барысы» додалары да бүгінде көрермен көзайымына айналып отыр. Бұл додалар халық арасында салауатты өмір салтын насихаттауға серпін береді. Спорттық дәстүр мен әдет-ғұрыптарды сақтауға өзіндік зор үлесін қосуда. Біз ұлттық спортымызға қолдау көрсетуге әрқашан дайынбыз.

Әзірбайжан елінің балуандарынан басым түскен қырғыз жігіттері қола жүлдені иеленді. Ал тартысқа толы күрес бәсекесінің ақтық сыны Қазақстан құрамасымен Өзбекстан елінің балуандары арасында өтті. Айтулы доданың ақтық бәсекесінде 4:3 есебімен Қазақстан балуандары жеңіске жетіп, Turan Barysy» додасының жеңімпазы атанды.

Қазақ жігіттерін тамаша жеңістерімен құттықтаймын! Үлкен белестерді бағындыруларына тілектеспін. Азия кубогына қатысушыларға шынайы алғысымды білдіремін.

• 01.11.2022
• 264