Қазақстан Республикасы Төтенше жағдайлар министрінің Абай облысының халқымен кездесуі

2022 жылғы 3-4 қарашада Төтенше жағдайлар министрі Юрий Ильин Абай облысының тұрғындарымен кездесу өткізіп, одан кейін азаматтарды жеке қабылдайды (жеке қабылдауға алдын ала жазылу келесі нөмір бойынша жүзеге асырылады 8/7222/560126, gdo_dchs_abai@emer.kz).

Кездесу Әлихан Бөкейхан университетінің ғимаратында өтеді (Семей қаласы, Мәңгілік көшесі 11, басталуы сағат 09:00-де).

Абай облысының қалалары мен аудандарының тұрғындары да шараға онлайн түрде қатыса алады. Отырыстың трансляциясы қала және аудан әкімдіктерінің ғимараттарынан бейнеконференцбайланыс арқылы қолжетімді болады. 

Сонымен қатар, кездесу ҚР Төтенше жағдайлар министрлігінің YouTube арнасында тікелей эфирде көрсетіледі.

Отырыс аяқталған соң Төтенше жағдайлар министрі брифинг өткізіп, министрліктің қызметі туралы журналистердің сауалдарына жауап береді (журналистерді тіркеу 87779772121, 87081585850 нөмірі бойынша жүргізіледі).

• 01.11.2022
• 237