Түркістан облысының жастарымен кездесіп, еркін форматта пікірлестік

Кездесуде өңір жастарына өзекті мәселелер мен тың идеяларды ортаға салуды ұсындым. Жастар арасындағы проблеманы жастардан артық ешкім білмейді. Жұмыспен қамту, қолжетімді баспана, білімді жетілдіру, жас кәсіпкерлерді қолдау, қоршаған ортаны қорғау сияқты бірқатар мәселелерді ортаға салып, шешу жолдарын талқыладық. Қоғамның қозғаушы күші – жастар. Жастар болашақтың жас құрылысшысы екенін еш уақытта естен шығармау керек. Барымызды бағалайық. Білім алыңыздар, еңбек етіңіздер, аға буынның ақылына құлақ асыңыздар, үздіксіз ізденісте болыңыздар. Жеке кәсіп ашуға құмар жастар қатары артып келеді. Жалынды жас үшін асу асып, өткелдерден өту қиын емес. Ең бастысы, биік мақсат, мәртебелі мүдде болу керек.

Түркістан қаласында орналасқан облыстық жастар ресурстық орталығында болып, өңіріміздегі орталықтардың басшыларымен тілдесіп, орталықтың жұмысымен, алдағы жоспарларымен таныстым.

Кездесуде көтерілген мәселелерді, айтылған ұсыныстарды назарсыз қалдырмаймыз.

Мен жастармен жиі кездесуге, тың идеяларын тыңдауға, оларды мүмкіндігінше жүзеге асыруға дайынмын.

• 15.11.2022
• 272