Шардара тұрғындарымен кездестім

  Шардара ауданына арнайы жұмыс сапары барысында жергілікті тұрғындармен жүздесіп, талап-тілектерін тыңдадым.
Біздің мақсатымыз – тұрғындармен еркін пікір алмасып, маңызды мәселелерді талқылау. Себебі аймақтың проблемаларын тұрғындар жақсы біледі. Шардара – облыстың оңтүстік бөлігіндегі дамып келе жатқан аудан. Әлеуеті өте жоғары. Мұнда жағажай туризмін, ауыл шаруашылығы мен кәсіпкерлікті дамытуға мүмкіндік мол. Шардара қаласында кәріз жүйелерінің құрылысы жүргізілуде. Ауданды, ауылдарды дамыту жұмыстары жаңа қарқынмен жалғасын табатын болады.
Жеке және біріңғай қабылдауда да тұрғындар өзекті мәселелер қозғады. Бұл жолғы кездесуге менімен бірге құқық қорғау органдары мен басқарма, департамент басшылары да түгел барып, жеке қабылдауда біршама тұрғынды қамтуға мүмкіндік болды. Әрбір ұсыныс пен өтініш бойынша тиісті жұмыстар жүргізіледі. Біз үшін әр тұрғынның өтініші маңызды.
Шардара ауданына іссапар барысында мемлекет қолдауы арқылы өз кәсібін жүргізіп отырған кәсіпкерлердің ұсыныстарын тыңдап, қолдау көрсетілетінін жеткіздім.
«Хамит» АӨК балық өңдеу зауытының жұмысымен таныстым. Бұл зауыттың балық өнімдерінің 90 пайызы шетелге экспортталып жатыр. 250 адам жұмыспен қамтылған. Балық шаруашылығын одан әрі дамыту туралы талқыладық. 
Шардара қаласындағы жедел жәрдем станциясы бар 150 орынға арналған аудандық емханаға барып, құрылыс барысымен таныстым. Нысан биыл ел игілігіне беріледі.

• 15.11.2022
• 266