Халықпен диалог – мәселе шешу кепілі

Шардара, Жетісай және Мақтаарал аудандарында барлық құқық қорғау органдары басшыларының қатысуымен бірыңғай қабылдау өткіздік. Мақсат — қордаланған мәселелер бойынша өтініш, арыз, ұсыныстарды тыңдау. Барлық сала бойынша өтініш қабылданды. Проблеманы ашық айтуға мүмкіндік туды. 
Аудандардан 200-ге жуық тұрғын көкейдегі ойларын, ұсыныстарын жеткізді. «Халық үніне құлақ асатын мемлекет» тұжырымдамасы мен ашықтық қағидатына сәйкес өткен кездесуде тұрғындармен ашық диалог орнап, көтерілген күрделі мәселелердің шешілу жолы заң шеңберінде қаралды. Мәселелер тиісті сала мамандарының талқылауымен жан-жақты сараланып, хаттамаға енгізілді. Нақты жұмыстар жүргізілетін болады.

• 15.11.2022
• 187