Құрметті Түркістан облысының тұрғындары!

Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында Арыс қаласының тұрғындарымен 25 қараша сағат 11.00-де Арыс қаласы, Ергөбек көшесі №178 мекен-жайда орналасқан «Мәдениет үйі» ғимаратында кездесу өткіземін. Сонымен қатар, жеке қабылдау 25 қараша сағат 12.00-да Арыс қаласы, Д.Қонаев көшесі №3 мекен-жайда орналасқан «Ардагерлер орталығы» ғимаратында өтеді.

Отырар ауданының тұрғындарымен кездесу 25 қараша сағат 16.00-де Шәуілдір ауылы, Жібек Жолы даңғылы, Мәдениет сарайында өтеді. Тұрғындарды жеке мәселелері бойынша 25 қараша сағат 17.00-да Шәуілдір ауылы, Мәдениет сарайында қабылдаймын.

Қабылдауға алдын-ала жазылу 8(72533) 5-98-99 байланыс телефоны және t.akimat@ontustik.gov.kz электронды почта арқылы 2022 жылғы 24 қарашаға дейін сағат 9-00 ден 19-00 аралығында (түскі үзіліс сағат 13.00-15.00 дейін) жүргізіледі.

Тиісті мекемелердің қатысуын қамтамасыз ету және кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта (бар болған жағдайда) нақты көрсетілуі қажет.

• 15.11.2022
• 233