Кентау қаласына жұмыс сапарымен барып, бірқатар нысанның жұмысын бақыладым

Тұрғындарды инфрақұрылыммен қамтып, қолайлы жағдай жасау – міндетіміз. Кентау Түркістанмен бірге дамитын әрі әлеуеті зор шаһар. Жылуға, су жүйесіне қатысты түйткілдер қатаң бақылауда болады.
Бүгінде Кентаудағы Ш.Уәлиханов көшесіндегі жаңадан соғылған көпқабатты 10 тұрғын үй газ жүйесіне қосылуда. 
«Кентау Сервис» МКК №5 жылу электр орталығында және кәріз тазарту станциясында болып, орталықтардың жай-күйімен таныстым. Электр орталығын жөндеуден өткізу мәселесі де назарда тұр. Ал қаланың кәріз тазарту станциясының құрылысы бойынша жұмыстар жүргізілуде. Алдағы уақытта қаланың кәріз су жүйесін толық тазалауға қауһарлы жаңа кәріз су тазарту станциясы салынып, су тазарту құрылымдарымен қамтылады деп жоспарланып отыр. 
«Қосқорған» су қоймасын одан әрі толықтыра отырып, су төмендету жүйесін салу жобасының ІІ кезеңіндегі жоспарымен таныстым. Осы арқылы су қоймасының сыйымдылығы реттеліп, қауіпсіздігі арта түспек. 
Қала әкімі мен жауапты басшыларға жылу және өзге де шұғыл шешуді талап ететін мәселелер бойынша жұмысты жүйелі жалғастыруды тапсырдым.

• 24.11.2022
• 277