Мәні зор саяси науқан

Елімізде кезектен тыс Президент сайлауы өткені белгілі.  Ел тағдыры үшін маңызды саяси науқанға қатысып, өз таңдауымды жасадым. 
Түркістан облысы бойынша 919 сайлау учаскесі бар. Оның 50-і  облыс орталығы – Түркістан қаласында орналасқан. Түркістандықтардың саяси науқанға деген белсенділігі жоғары болды. Соңғы мәліметтерге сәйкес, облыста 1 163 860 сайлаушы дауыс береді деп жоспарланған. Науқанды бақылауға 2 229 комиссия мүшесі бекітілді. Өңірде сайлаушыларға барлық жағдай жасалды. Облыс аумағында сайлау күні қоғамдық көліктер тегін қызмет көрсетті.
Еліміздің даму бағытын, болашағын айқындайтын науқанға қатысу – азаматтық борышымыз. Жаңа Қазақстан құру жолында әр азаматтың дауысы маңызды! 
Тәуелсіздігіміз тұғырлы, баянды болсын!

• 24.11.2022
• 257