Беделді оқу ордасын мерейтойымен құттықтадым

Биыл Қожа Ахмет Ясауи атындағы халықаралық қазақ-түрік университетіне 30 жыл толды. 
Түркістанның рухани орталық болуына Қожа Ахмет Ясауи бабамыздың үлесі мол. Ал осындай ойшыл, ғұламаның атын иеленген университет Түркістанның ғана емес, барлық Түркі елдерінің мәдениетіне, білім мен ғылым саласының дамуына зор үлес қосып келеді. 
Бүгін Түркістанда айтулы мерейтой аясында гала-концерт ұйымдастырылып, атқарылған жұмыстар мен жеткен жетістіктер жайы айтылды. 
Маңызды шарада ҚР Президенті Қасым-Жомарт Тоқаевтың арнайы құттықтауын жеткіздім. 
Ахмет Ясауи университеті бауырлас Түркия Республикасымен бекем ынтымақтастық нәтижесінде түркі әлемінің ортақ білім-ғылым шаңырағына айналды. Сондықтан да университет тарихындағы маңызды шараны бірге атап өту үшін Қазақстан мен бүкіл түркі әлемінен қонақтар қатысты.

• 24.11.2022
• 242