2022 жылғы 16-17 қараша аралығында Мадрид қаласында (Испания) Сыбайлас жемқорлыққа қарсы құқық қорғау органдарының (GlobE Network) жаһандық жедел желісінің үшінші пленарлық отырысы өтті

Қазақстан GlobE Жаһандық сыбайлас жемқорлыққа қарсы желісіне қосылған 60-шы ел, ал Қаржылық мониторинг агенттігі 124 ведомствасы болды.

Аталған отырысқа біздің елімізден Қаржылық мониторинг агенттігінің сыбайлас жемқорлыққа қарсы қаржылық мониторинг департаментінің басшысы – Данияр Үсенов, Қаржылық мониторинг агенттігінің жеке қауіпсіздік департаментінің басшысы – Қуат Әбдіханов және Сыбайлас жемқорлыққа қарсы іс – қимыл Агенттігінің департамент басшысының орынбасары-Ринат Қабиев қатысты.

Пленарлық отырыс шеңберінде құқық қорғау, сыбайлас жемқорлыққа қарсы ведомстволардың және қаржылық барлау қызметтерінің: Австрия, Бахрейн, Қытай, Үндістан, Сауд Арабиясы, Оңтүстік Африка, Испания, Ұлыбритания, Америка құрама штаттарының өкілдерімен, сондай-ақ БҰҰ Есірткі және қылмыс жөніндегі басқармасының, Дүниежүзілік банктің және Базель басқару институтының жанындағы (ICAR) активтерді қайтару жөніндегі Халықаралық орталықтың өкілдерімен кездесулер өтті.

Кездесулерге қатысушылар екіжақты қарым-қатынастарды дамыту мәселелерін талқылады, сондай-ақ одан әрі ынтымақтастық үшін байланыстар орнатылды.

Тараптар сыбайлас жемқорлыққа қарсы шараларды қолдану, ақпараттық технологияларды, талдамалық жүйелерді пайдалану және өз қызметінде практикалық аспектілермен алмасты.

Сонымен қатар, Испанияның қаржылық барлау басшысы Педро Коминмен кездесу өткізілді, онда жедел ақпарат алмасу, ақшаны жылыстатуға және терроризмді қаржыландыруға қатысты қаржылық операцияларға қатысты бейресми өзара іс-қимыл туралы уағдаластыққа қол жеткізілді.

Сыбайлас жемқорлыққа қарсы құқық қорғау органдарының жаһандық жедел желісі (GlobE желісі) – трансшекаралық сыбайлас жемқорлық қылмыстарды неғұрлым тиімді анықтау, тергеу және қудалау және ұрланған активтерді қайтару мақсатында әріптестер арасында ақпарат алмасуға және бейресми ынтымақтастыққа арналған платформа. 2021 жылы құрылған GlobE Network БҰҰ-ға мүше барлық мемлекеттердің және БҰҰ-ның Сыбайлас жемқорлыққа қарсы конвенциясына (UNCAC) қатысушы мемлекеттердің сыбайлас жемқорлыққа қарсы құқық қорғау органдары үшін ашылды.

• 25.11.2022
• 312