Арыс тұрғындарының айтары бар

Арыс қаласына арнайы жұмыс сапарымен барып, тұрғындармен кездестім. Жергілікті тұрғындардың көкейкесті сұрақтарына жауап беріп, өңірді дамыту бағытындағы жоспарлармен бөлістім. 

Тарихы тереңде жатқан Арыстың өндірістік және транзиттік мүмкіндігі жоғары. Біз қаланың осы артықшылығын тиімді пайдалануымыз керек.  Қаланың әлеуметтік-экономикалық дамуы қарқынды. Бұл жұмыстар әрі қарай да жалғасын табатын болады. Арысқа газ келді. Бұл арыстықтар үшін көптен күткен сәт. Жуырда елімізде сайлау болып, халық өз Президентін сайлады. Президент Қасым-Жомарт Кемелұлы Түркістан облысына жасаған сапарында облысты әрі қарай дамытуды тапсырды. Осы бағытта жұмыстар жүреді.

Кездесуден кейін құқық қорғау органдарының басшыларымен бірге тұрғындарды жеке мәселесі бойынша қабылдадық.

Сапар барысында қаладағы әскери бөлімге барып, онда еңбек ететін әскерилердің тұрмыс-тіршілігімен таныстым. Оқ-дәрілерді залалсыздандыруға қатысты қоғам тарапынан туындайтын өзекті мәселелерді оңтайлы шешудің жолдарын, тағы бірқатар мәселелерді қарастырдық. 

Орта Азияда баламасы жоқ поливинилхлорид түйіршіктері мен арнайы қоспасын шығаратын зауыт жобасымен таныстым. Зауыт іске қосылғанда кемінде 25 адамды тұрақты жұмыспен қамтымақ. 

Елмен жүздесу арқылы мәселелер айықындалады.  Әрбір ұсыныс назарға алынады.

• 28.11.2022
• 245