Отырар ауданының тыныс-тіршілігімен таныстым

Отырар ауданына жұмыс сапарымен барып, тұрғындармен еркін пікір алмастым. 
Отырардың халқымыз үшін орны айрықша.  Түркістанға жақын орналасуы – ауданның дамуына серпін береді. Ауданды, ауылдарды дамыту жұмыстары жаңа қарқынмен жалғасын табады. 
Аудандарда өткен кездесулерде құқық қорғау органдарының, департамент пен басқарма басшылары түгел қатысып, тұрғындарды жеке мәселелері бойынша қабылдадық. Әрбір өтініш хаттамаға енгізіліп, орындалуы бақылауымда болады. 
Сапар барысында Отырар ауылдық округі аумағынан салынып жатқан қуаттылығы 50 МВТ күн электр станциясының құрылыс жұмыстарымен таныстым. Жоба толықтай іске қосылғанда 50 адам тұрақты, 310 адам маусымдық жұмыспен қамтылмақ. Сонымен қатар кәсіпкерлермен жүздесіп, жобаларымен таныстым. Аудандық «Белсенді ұзақ өмір» әлеуметтік қызметтер көрсету орталығында болып, қариялармен тілдестім. 
Жақсы жаңалықпен бөлісейін, Шәуілдір ауылына табиғи газ қосылды. Шәуілдір ауылын табиғи газбен қамтитын газ құбыры жүйесі құрылысы 4 жыл жүргізіліп, биыл пайдалануға берілді. Енді тұрғындар келіп тұрған газды үйлеріне кіргізе алады. Қуаныштарыңызға ортақпын!

• 28.11.2022
• 251