Халықтың ұсыныстары маңызды

Халықтың ұсыныстары маңызды. Арыс және Отырар аудандарына арнайы тұрғындармен кездесуге барып, барлық құқық қорғау органдары басшыларының қатысуымен бірыңғай қабылдау өткіздік. 
Тұрғындар жұмысқа орналасу, үй алу, медициналық көмек секілді жеке сипаттағы мәселелерін және ауылдардардағы коммуналдық, қоғамдық көлік мәселелерін шешуге көмек сұрады.
Кейбір мәселелерді шешу ұзақ уақытты талап етеді. Біз осы ретте қолдан келген мүмкіндікті қарастырамыз. Жергілікті деңгейде шешілетін түйткілдер де бар.  Аудан, қала әкімдеріне, жауапты тұлғаларға елдің өтініштері мен арыз-шығамын мұқият назарға алуды тапсырдым.
Көкейтесті мәселесіне байланысты көмек сұрап келгендердің қарасы көп. Сұрақтардың басым бөлігі шешілді. Тұрғындар тарапынан көтерілген мәселелерге байланысты жауапты басқарма басшыларына арыз-шағымдарды назарға алып, заң аясында шешуді тапсырдым.
Бірыңғай азаматтарды қабылдау күнін өткізудегі басты мақсат —  азаматтардың нақты әлеуметтік проблемаларын шеше отырып, халықпен тікелей қатынас орнату.

• 28.11.2022
• 193