Омбудсманды тағайындау

«Сақтандыру қызметі туралы» Қазақстан Республикасы Заңының 86-бабының 3-тармағына сәйкес 2022 жылғы 7 қарашада Агенттік комиссиясының шешімімен сақтандыру омбудсманы лауазымына Игорь Алексеевич Яковенко сайланды.

Сақтандыру омбудсманы сақтандыру омбудсманының қызметін дамыту жөніндегі бизнес-жоспарды талдауды ескере отырып, Сақтандыру омбудсманы өкілдерінің кеңесі ұсынған үш кандидаттың ішінен сайланды.

Игорь Алексеевич Яковенконың заңгерлік және экономикалық білімі бар, сақтандыру және банк секторларында, оның ішінде басшылық лауазымдарда айтарлықтай жұмыс өтілі бар, адвокаттық қызметпен айналысқан, соттарда коммерциялық, азаматтық және басқа да істер бойынша клиенттердің мүдделерін білдіріп, қорғаған.

Игорь Алексеевич Яковенко сақтандыру омбудсманы лауазымына  2022 жылғы 30 қарашадан бастап кіріседі, өкілеттік мерзімі – лауазымға кіріскен күннен бастап 3 жыл.

Сақтандыру омбудсманы – өз қызметінде тәуелсіз тұлға, оның негізгі функциясы жасалған сақтандыру шарттары бойынша сақтандыру ұйымдары мен олардың клиенттері арасындағы дауларды соттан тыс шешу болып табылады.

Сақтандыру омбудсманы сақтандыру ұйымының клиенті үшін қызметтерді өтеусіз көрсетеді.

Сақтандыру омбудсманы қарауға құқылы даулар бойынша талаптардың сомасы 10.000 АЕК-тен аспауға тиіс, бұл 2022 жылғы жағдай бойынша 30.630.000 теңгеге тең.

• 30.11.2022
• 274