Құрметті блог қонақтары!

Сіздерді «Ашық диалог» порталы алаңында қарсы алуға қуаныштымын!

«Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ жарғылық капиталына мемлекет жүз пайыз қатысатын акционерлік қоғам болып табылады. Орталық 2009 жылы Тұңғыш Президент Нұрсұлтан Назарбаевтың тапсырмасы бойынша тұрғын үй-коммуналдық шаруашылығын жаңғырту және дамыту жөніндегі мемлекеттік саясатты іске асыру мақсатында құрылған.

Қоғамның мақсаты тұрғын үй-коммуналдық шаруашылығын жаңғырту және дамыту жөніндегі мемлекеттік саясатты іске асыруға жәрдемдесу болып табылады.

Біздің жұмысымыздың басты басымдықтары - тұрғын үй қатынастарын дамытудың жаңа құралдарын құру, коммуналдық инфрақұрылымды жаңғырту, инновациялық технологияларды енгізу және ТКШ саласының инвестициялық тартымдылығын арттыру, сондай-ақ нормативтік құқықтық және нормативтік-техникалық базаны жетілдіру жолымен халықтың өмір сүруінің қолайлы жағдайларын қамтамасыз етуге жәрдемдесу.

Қазіргі уақытта ҚР-дағы кәріздік тазарту имараттары нысандарын жаңғырту және тұрғын үй-коммуналдық шаруашылық инфрақұрылымын және жылу, сумен жабдықтау және су бұру жүйелерін жаңғырту бойынша жобаларды іске асырудамыз.

Мен үшін біздің қызметіміз туралы сіздің пікіріңіз ғана емес, оны жақсарту жөніндегі ұсыныстарыңыз да қызықты болады.

Интерактивті ресурстың көмегімен біздің тікелей қарым-қатынасымыз пайдалы болады деп үміттенемін.