- Блогтар
- Мақаш Е.Н.
Мақаш Е.Н.
Жоғары білім беруді дамыту ұлттық орталығының директоры
Мақаш Е.Н.
Жоғары білім беруді дамыту ұлттық орталығының директоры
Ермек Мақаш Қазақ еңбек және әлеуметтік қатынастар академиясын, Қазақстан Республикасы Президентінің жанындағы Мемлекеттік басқару академиясын, сондай-ақ «Болашақ» бағдарламасы бойынша Ресей халықтар достығы университетін аяқтаған. Сертификатталған IPMA C деңгейі жобалар менеджері.
2004-2010 жылдары мемлекеттік жастар саясатын жүзеге асыруға атсалысты. Алматы қаласындағы Жастар қоғамдық ұйымдары қауымдастығында, «Қазақстан студенттерінің альянсы» республикалық студенттік қозғалысында жұмыс істеп, басқарды.
2010-2011 жылдары Қазақстан Республикасы Білім және ғылым министрлігінің «Халықаралық бағдарламалар орталығы» АҚ менеджері болып жұмыс істеді.
2011-2013 жылдары Ресей халықтар достығы университетінің магистратурасында оқыды.
2013-2016 жылдары Қазақстан Республикасы Президентінің «Болашақ» халықаралық стипендиясы стипендиаттары қауымдастығының атқарушы директорының орынбасары, атқарушы директоры қызметтерін атқарды. Сондай-ақ, Л.Н. Гумилев атындағы Еуразия ұлттық университетінің журналистика және саясаттану факультетінің аға оқытушысы болды.
2016 жылы «Бәйтерек» ұлттық басқарушы холдингі» АҚ Тұрғын үй-құрылыс активтерін басқару департаментінің директоры болып тағайындалды.
2017-2018 жылдары коммерциялық IT жобаларды басқарды.
2018-2020 жылдары «BTS Digital» ЖШС Білім беру орталығында аға кеңесші ретінде EdTech бастамаларын әзірлеуге қатысты.
2020-2021 жылдары «BTS Education» ЖШС бас директорының орынбасары қызметін атқарды.
2021-2023 жылдары кәсіпкерлік қызметпен айналысқан.