Менің блогыма келушілерге сәлем!

Болон процесі және академиялық ұтқырлық орталығы - Болон процесінің параметрлерін іске асыру бойынша Қазақстан қабылдаған міндеттемелерді орындау бойынша Қазақстандағы университеттердің қызметін үйлестіреді. Біз Қазақстан атынан қатысамыз және Болон процесінің Бақылау кеңесінің тақырыптық топтарында жұмыс жасаймыз (BolognaFollow-up Group, BFUG)

Біздің орталықтың басты жобалары студенттердің академиялық ұтқырлығы, оқытушылық қызметке шетелдік жетекші мамандарды тарту және еліміздің жоғары оқу орындарын басқаруға шетелдік топ-менеджерлерді тарту бағдарламалары болып табылады.

Биыл біз «Қазақстанның жоғары оқу орындарына шетел азаматтарын оқуға тартудың стипендиялық бағдарламасының» бірінші жобасын іске асырдық.

Орталық сондай-ақ жоғары және жоғары оқу орнынан кейінгі білім беру бағдарламаларының Тізілімін сүйемелдейді.

Еуропалық ақпараттық орталықтар желісінің (ENIC) толыққанды қатысушысы ретінде біз халыққа Қазақстанда білім туралы шетелдік құжаттарды тану Мемлекеттік қызметін көрсетеміз.

Толық ақпаратты Орталықтың ресми сайтынан ала аласыз: http://enic-kazakhstan.edu.kz.

Біз сіздің барлық сұрақтарыңызға біздің құзыретіміз шегінде жауап беруге дайынбыз!