Құрметті достар!

Қоғамның қазіргі даму кезеңінде балалар мен ата-аналардың мүдделері және қажеттіліктеріне ерекше назар аудару өте маңызды. Білім беру қызметтері олардың қажеттіліктерін қанағаттандыруы қажет.Мемлекеттің басты міндеті - білім беруді барлық балалар үшін қолжетімді ету.

Осыған байланысты, қосымша білім беру бала өмірінде негізгі рөл атқарады. Қосымша білім беру жүйесінде жеке тұлғаның негіздері, оның құндылық бағдарлары, кәсіптік бағдары қаланады.

Егер бұрын біз оқу өмірге даярлайтынын айтқан болсақ, қазір біз оқу – бұл өмірдің өзі, онда балалар болашақ дағдыларын алады деп айтамыз.

Жақын арада «кәсіби бағдар» және «мамандық» деген ұғымдар жойылуы мүмкін. Сондықтан, біз балаларды өзгермелі әлемде өмір сүру үшін түрлі құзыреттер мен дағдыларға үйретуіміз керек. Біздің міндетіміз -жаңа жағдайларға бейімделген ұтқыр адамды тәрбиелеу және қалыптастыру үшін жағдай жасау. Сондықтан, біз балаларға ақпараттық әлемде дұрыс бағдар алуға көмектесіп, навигаторы болуымыз керек.

Қосымша білім беру білім алушылардың шығармашылық дамуы мен тұлғалық өзін-өзі анықтауы, қабілеттерін іске асыруы, қоғамдағы өмірге бейімделуі, сондай-ақ азаматтық сана-сезімді, салауатты өмір салтын қалыптастыру және бос уақытты мазмұнды ұйымдастыру үшін барлық жағдай жасайды.

Балаларға қосымша білім беру мектептен тыс ұйымдарда (оқушылар сарайлары, үйлері, орталықтары, музыкалық, көркем мектептер мен өнер мектептері, жас техниктер, туристер, экологтар станциялары және т.б.), сондай-ақ жалпы білім беретін мектептердің үйірмелері мен секцияларында іске асырылады.

Балалар өздерінің табиғатына жақын, қажеттіліктеріне сәйкес келетін,мүдделерін қанағаттандыратын бағытты таңдайды. Бұл қосымша білім берудің шынайы мәні: ол әлеуметтік маңызды міндеттерді шешуге, өзін өзі жүзеге асыруға, баланың балалық шағында толыққанды өмір сүруіне мүмкіндік береді. Қосымша білім алған балалардың есейген кезінде қатесіз таңдау жасауға көп мүмкіндіктері болады.

Сіздерге шын жүректен шығармашылық табыс, мықты денсаулық,сенімділік пен оптимизм тілеймін!