Әділет министрінің дербес блогына қош келдіңіздер!

Министрлердің дербес блогын енгізу жобасының негізгі мақсаты – мемлекеттік органдардың жұмысын жетілдіру, азаматтардың еліміздің орталық ведомстволарының басшыларына тікелей хабарласу мүмкіндігі арқылы оны барынша айқын ету болып табылады.

Блог-платформа – қазақстандықтардың түрлі кедергіге ұшырамай, өз пікірін, жекелеген мемлекеттік қызметшілер мен кәсіпорындардың жұмысына наразылығын білдіре алатын, тез шешіледі деген үмітпен проблемаларын айта алатын, өз ұсыныстарын енгізіп, заң бұзушылықтар туралы хабарлай алатын қажетті әрі тиімді құрал екенін уақыт көрсетіп отыр.

Министрлік басшылары үшін блогтар таптырмас көмекші болып табылады: олар "оқиға ортасында болуға - қоғамды толғантатын мәселелерден хабардар болуға, сеніп тапсырылған ведомствоның бағасынжәне оның қызметін жақсарту туралы ұсыныстарды ел аузынан білуге мүмкіндік береді.

Күн сайын мен, Қазақстан азаматтарынан түрлі мазмұндағы ондаған хаттар аламын. Келіп түсіп жатқан барлық сұрақтар мен түсініктемелерді міндетті түрде оқимын, уақыт оздырмай тиісті жауаптар мен түсініктемелер беремін.