Құрметті оқырмандар!

Қызылорда облысы әкімінің блогына қош келдіңіздер!

Елбасы Алаштың анасы атаған Сыр елі - қазақылықтың қаймағы бұзылмаған өлке. Қорқыт атадай ұлы ойшыл дүниеге келген ежелгі шығыс өркениетінің орталығы һәм түркі мәдениетінің алтын көмбесі.

Тұран топырағында адамзаттың Айға ұшар арманы орындалып, әлемдік зерттеулерге жол ашылған.

Өткен ғасыр бедерінде Сыр өңірі қазақ мемлекетінің астанасы да болды. Маңызды саяси шешімдер қабылданған орталық ретінде тарихқа енді. Аймақтың қазіргі мәртебесі де асқақ.  Тәуелсіз Қазақстанның сындарлы мемлекеттік саясатының арқасында әлеуметтік-экономикалық тұрғыда дамуы қарқын алып келеді. Өсіп-өркендеудің жаңа белесіне шығып, аграрлық өңірден индустриялық-аграрлық өңірге айналды. Білім, денсаулық салалары жанданып, мәдени, рухани тұрпаты жаңарды. Сырдарияның сол жағалауына жаңа қала салынып, ел қоныстануда.

Осы орайда, жаңа технологиялар ғасырында интернет желісінің мүмкіндіктерін пайдалана отырып жасақталған ресми-порталдан Қызылорда облысының күнделікті тыныс-тіршілігі, даму тенденциялары туралы маңызды мәліметтерді таба аласыздар.

Портал - оқырман сұранысын толықтай қанағаттандырып, рухани қажеттіліктеріңізді жедел ақпаратпен қамтамасыз ететін сенімді серіктеріңізге айналады деген үміт басым.