ҚР Әділет вице - министрі Абай облысының тұрғындарымен кездесті

20 желтоқсан ҚР Әділет вице-министрі Бекболат Молдабеков Әділет департаменті ғимараты базасында Абай облысының тұрғындары және қоғамдастық өкілдерімен кездесу өткізді. Бекболат Молдабеков өз сөзін мемлекет басшысының Қазақстан халқына Жолдауы аясында айтқан реформалар топтамасынан бастады.

Әділет министрлігі Конституцияға енгізілген өзгерістердің логикалық жалғасы болған барлық үш Конституциялық заңның негізгі әзірлеушісі болып табылады. Аталған мәселеге қатысты Президенттің тиісті тапсырмасы болды.

Қазақстандықтар көптен күткен келесі өзгеріс-Конституциялық сот құру. Конституциялық Сот туралы заң қабылданды және ағымдағы жылдың 18 қарашасынан бастап күшіне енді. Конституциялық сот өз қызметін 2023 жылғы 1 қаңтарынан бастайды.

Қазіргі уақытта «Нотариат туралы» Заңға қабылданған түзетулермен жылжымайтын мүлікпен мәмілені рәсімдеу рәсімі жеңілдетілді, енді мәмілені азаматтың жылжымайтын мүлкі орналасқан жеріне міндетті түрде бармай-ақ республика бойынша кез келген нотариуста рәсімдеуге болады.

Ағымдағы жылдың 20 маусымында «адвокаттық қызмет және заң көмегі туралы» Заңға өзгерістер енгізілді, оған сәйкес аз қамтылған және көп балалы отбасыларға, тұрмыстық зорлық-зомбылық, азаптау құрбандарына, 1 және 2 санаттағы мүгедектерге, зейнеткерлерге құқықтық кеңес беру түрінде тегін заң көмегіне кепілдік берілді. Бекболат Молдабековтың айтуынша, осы жылдың 11 айында Абай облысы құрылғаннан бері 600 азаматқа тегін заң көмегі көрсетілді.

Сонымен қатар, вице-министр АХАЖ саласындағы рәсімді жеңілдету аясында некені тіркеу мерзімі 15 күнге дейін қысқартылғанын атап өтті.

«Электрондық үкімет» және «eGovmobile» порталы арқылы туу, неке және қайтыс болу туралы куәлікті электронды түрде алуға болады. Сонымен қатар, жаңа туған нәрестеге туу туралы куәлікті Екінші деңгейдегі банктердің (Kaspi және Halyk Банктің) мобильді қосымшалары арқылы алуға болады», - деп толықтырды өз баяндамасында вице-министр.

Әділет министрлігі Зияткерлік меншік мәселелерімен де айналысады. Бекболат Молдабековтың ақпараты бойынша, ағымдағы жылдың 11 айында Абай облысының тұрғындары мен кәсіпорындарынан берілген өтінімдер бойынша тауар таңбасына 20 куәлік,  өнертабысқа – 2 патент, пайдалы моделдерге 19 патент берілді.

Сонымен қатар, атқарушылық іс жүргізу - Абай облысы бойынша ғана емес, бүкіл ел бойынша ең ауыр мәселелердің бірі. Абай облысы бойынша барлығы 11 мемлекеттік және 51 жеке сот орындаушылары қызметін жүзеге асырады.

Бүгінгі күні өзінің өндірісінде 226 мың (753 313) атқарушылық өндіріс бар, олардың 102 594 мыңы өндірілген. Көрсетілген санның басым бөлігін алименттерді өндіріп алу бойынша құжаттар құрайды. Абай облысы бойынша бұл 10 мыңнан астам іс.

Бұл ретте жекелеген борышкерлер нақты материалдық мүмкіндіктерге ие бола отырып, балаларына жәрдемдесуден әдейі жалтарады немесе өз мүлкін жасырады. Алимент өндіруге қатысты іс жүргізу процессінде сот орындаушылары мәжбүрлеу сипатындағы шараларды қабылдайды.

Ағымдағы жылдың 11 айында Абай облысы бойынша алименттік төлемдер бойынша сот актілерін орындамағаны үшін әкімшілік жауапкершілікке 10 борышкер тартылды (ҚР бойынша 3 355),  ішкі істер органдарына қылмыстық жауапкершілікке тарту үшін ұсыным жіберілмеді (ҚР бойынша 1 547), 83 борышкерге қатысты (ҚР бойынша 13 902) Қазақстан Республикасынан шығуға уақытша тыйым салынды, - деді ҚР Әділет вице - министрі. Берешекті мемлекеттік шекара арқылы өткізу пункттерінде және қоғамдық орындарда орнатылған терминалдар, сондай-ақ Каспий банкі мен Қазпошта мобильді қосымшалары арқылы онлайн режимде төлеу мүмкіндігі берілді (Kaspi.kz және Post.kz). берешек толық өтелген кезде атқарушылық іс жүргізу органдарының автоматтандырылған ақпараттық жүйесі (ИЫҰ ААЖ) шоттарға тыйым салуды және шығуға тыйым салуды автоматты түрде жояды.

Бүгінгі таңда Әділет Министрлігі «Әділет» ақпараттық-құқықтық жүйесіне жалпыға бірдей тегін қолжетімділікті қамтамасыз етті, бұл кәсіби заңгерлерге ғана емес, қарапайым азаматтарға ресми тіркелген нормативтік құқықтық актілердің мәтінімен танысуға мүмкіндік береді.

Әділет министрлігінің 119 нөмірі бойынша тәулік бойғы құқықтық ақпараттық қызметі жұмыс істейді, ол халыққа барлық құқықтық мәселелер бойынша тегін кеңес береді. Әділет министрлігінің сайтында және әлеуметтік желілердегі ресми аккаунттарда құқықтық түсіндірме ақпарат орналастырылады.

• 21.12.2022
• 170