Астанадағы Керей және Жәнібек хандар көшесінде орналасқан жаңадан ашылған Халыққа қызмет көрсету орталығына бардым.

Жаңадан қолданысқа берілген Халыққа қызмет көрсету орталығы азаматтар үшін ыңғайлы және заманауи стандарттарға сай. Орталықта келушілердің мемлекеттік қызметтерді жылдам және сапалы алулары үшін қажетті қызмет көрсету аймақтары бар. Атап айтқанда, жылдам қызметтер, өзіне-өзі қызмет көрсету, бейне-кабиналар және мүмкіндігі шектеулі жандарға арналған жеке бұрыштар бар.

Жаңа ХҚКО-да постаматтардың болуы ерекше қуантты, ол арқылы клиенттер дайын құжатты кез келген ыңғайлы уақытта ала алады. Постаматтар тәулік бойы жұмыс істейді, бұл өз кезегінде жұмыстан кеш босайтын азаматтарға тиімді.

Жаңа форматтағы осындай Халыққа қызмет көрсететін орталықтардың бүкіл еліміз бойынша ашылып жатқаны қуантады. Азаматтардың мемлекеттік қызметтерді ыңғайлы әрі жедел алуы үшін тиісті жағдайларды жасайтын боламыз!

• 27.12.2022
• 260