Ашық нормативтік құқықтық актілерді интернет-порталға орналастыру туралы

Қазақстан Республикасы Әділет министрлігімен «1994 жылғы 9 тамыздағы Қазақстан Республикасы мен Литва Республикасының арасындағы Азаматтық, отбасылық және қылмыстық істер бойынша құқықтық көмек және құқықтық қатынастар туралы шартына өзгеріс енгізу туралы Хаттаманы ратификациялау туралы» Қазақстан Республикасы Заңының жобасы туралы» Қазақстан Республикасы Үкіметі қаулысының жобасы (бұдан әрі – Қаулы жобасы) дайындалды.

Қаулы жобасы 1994 жылғы 9 тамыздағы Қазақстан Республикасы мен Литва Республикасының арасындағы Азаматтық, отбасылық және қылмыстық істер бойынша құқықтық көмек және құқықтық қатынастар туралы шартына өзгеріс енгізу туралы Хаттаманың күшіне енуі мақсатында әзірленді.

Хаттамамен Қазақстан Республикасы мен Литва Республикасы арасындағы 1994 жылғы 9 тамыздағы Азаматтық, отбасылық және қылмыстық істер бойынша құқықтық көмек және құқықтық қатынастар туралы шартына Қазақстан Республикасының аумағында шетелдік соттардың шешімдері мен өтінішхаттарын орындау саласында құқықтық көмек көрсету жөніндегі сот органдарының функцияларын нақтылау мақсатында, сондай-ақ екі Тараптың құзыретті мекемелерін өзгерту бөлігінде өзгерістер енгізу көзделеді.

Барлық мүдделі азаматтар келесі сілтеме бойынша өтіп, жоғарыда көрсетілген Қаулы жобасын талқылауға қатыса алады: https://legalacts.egov.kz/npa/view?id=14404962.

• 14.02.2023
• 154