Өңірлермен кеңес өткіздік, онда біз жергілікті жерлердегі цифрландыру үдерісін талқылалық

Өңірлермен кеңес өткіздік, онда біз жергілікті жерлердегі цифрландыру үдерісін талқылалық. Нәтижелердің бар екендігі бізді қуантады.
Мәселен, автобустардағы қолма-қол ақшасыз төлемдердің үлесі екі жылда 34 пайыздан 80 пайызға дейін өсті. Қаражат түсуінің ашықтығы арқасында қоғамдық көліктердің жағдайы жақсарып келеді.

Бейнебақылау жүйесінің енгізілуі өлім-жітімнің азаюына әсер етті, енді біз Ішкі істер және Индустрия және инфрақұрылымдық даму министрлігімен бірлесе отырып, тас жолдардағы апаттардың алдын-алу мәселесін шешуді көздеп отырмыз!

Қазірдің өзінде Қазақстанның 13 қаласында жасанды интеллект өкпе және сүт безі қатерлі ісігінің онкологиялық ауруларын ерте анықтауға көмектеседі.
Бірақ, мұнымен тоқтап қалуға болмайды. Әлі де жұмысты қажет ететін көптеген бағыттар бар. Оның ішінде өз міндеттемелерін орындамайтын немесе оны төмен деңгейде орындайтын байланыс операторларының сапасыз жұмысына шағымдар да кездеседі. Жұмысына салғырт қарайтын мұндай кәсіпорындармен мәселелерді сот арқылы шешу керек деп санаймын.

Сондай-ақ, Astana Hub-қа биыл барлық облыс орталықтарында ІТ хабтар ашуды тапсырдым, бүгінгі таңда олар тек 7 қалада бар. Astana Hub қажетті қаржылық қолдау көрсетеді, әкімдіктерден біз тек инфрақұрылымды, базаны сұраймыз. Өңірлерге барған сайын жергілікті ақпараттық технологиялар мамандарының көптеген идеялары бар екенін білемін, бірақ кейде нәтижеге дейін оларда аздап білім немесе тәлімгерлік, кейде тек қаржылық қолдау жетіспей жатады.

Біз өз қағидаттарымызға сүйене отырып жұмыс істеп жатқанымызға тоқтала кетейін. Мен үшін цифрландырудың көрсеткіші белгіленген заманауи техниканың саны емес, жұмсалған бюджет қаражатының көлемі емес, олардың нақты тиімділігі болып табылатынын атап өткім келеді.

• 24.02.2023
• 240