АҚШ-қа іс-сапармен келіп, БҰҰ Бас Ассамблеясының әйелдер істері жөніндегі комиссиясының 67-сессиясына қатысудамын

Биыл БҰҰ Бас Ассамблеясының Әйелдер істері жөніндегі комиссиясы “инновациялар мен технологиялар гендерлік теңсіздікті жеңуге қалай ықпал етеді” тақырыбын таңдаған болатын.

Әйелдер істері жөніндегі комиссияның сессиясында Орталық Азия елдері – Қазақстан, Қырғызстан, Өзбекстан, Тәжікстан және Түрікменстан атынан баяндама жасадым.

Соңғы уақытта  біздің елдеріміз қаржылық технологиялар және цифрлық қызметтерді дамыту үшін үлкен мүмкіндіктерге жол ашып отыр. Біз осы саланы дамыту арқылы гендерлік теңдік тақырыбын көтеруді жалғастырып келеміз, IT-технологиялар саласындағы әйелдердің кәсіпкерлігін белсенді түрде қолдуға тырысамыз, стартап-жобаларды алға жылжыту, ілгерілету және осы салада оқыту үшін тең мүмкіндіктерді қарастырамыз.

Орталық Азия өңірі инновацияларды енгізу үшін экожүйе қалыптастырған. Жыл сайын Орталық Азия елдері өздерінің өңірлік цифрлық форумдарын өткізуде, онда цифрлық трансформация, акселерациялық бағдарламалар тәжірибесімен бөліседі және стартап-жобаларды бір-біріне таныстырады. Мысалы, өткен жылы Digital Bridge форумында Astana Hub Battle-да бірінші орынды NBfit стартапының негізін қалаушы- қырғызстандық жас қыз- Сырға Тілекова иеленді.

Естеріңізге сала кетейік,   Бұл ретте, БҰҰ-ның 2030 жылға дейінгі  ғаламдық күн тәртібі цифрлық алшақтықтарды еңсеруге және адами прогрестің факторы ретінде білім мен технологияларға, әйелдердің әлеуметтік-экономикалық мәртебесін жақсартуға бағытталады.

Цифрлық саладағы Әйелдер қауымының орны ерекше. Сондықтан біз олар үшін цифрлық технологияларға қолжетімділікті кеңейте отырып, олардың цифрландыру саласына үлес қосуын басты бағыт ретінде құптаймыз.

• 09.03.2023
• 200