Штаттарда болған алғашқы күндерімде қазақ диаспорасының өкілдерімен қызықты кездесу өткіздім.

Негізінен, бұлар - әлемдік технологиялық компанияларда жұмыс істейтін қазақстандықтар, сондай-ақ американдық жоғары оқу орындарында оқитын студенттер.

Оларға цифрландыру саласындағы бағытымыздың қайда бара жатқандығы туралы айттым. Сондай-ақ, осы саланы ілгері жылжытуға және үлкен нәтижелерге қол жеткізуге көмектесетін ең қызықты кейстермен бөлістім.

Кездесуге қатысушылардың қызығушылық танытып, маған көптеген сұрақтар қойғанына өте қуаныштымын. Біз Қазақстанда цифрландырудың қалай дамып жатқанын, дербес деректерді қорғаудың қалай жұмыс істейтінін, министрлік неге екінші деңгейдегі банктермен жұмыс істейтінін, сондай-ақ мемлекеттік органдардың ақпараттық жүйелерінің деректерін жеке секторға қалай ұсынатынымызды талқыладық.

Кездесуге келген қатысушылардың пікірлері мен көзқарастарын тыңдау өте маңызды болды. Біздің тәжірибе мен білім алмасуымыз осы саланы тезірек және тиімдірек дамуға өз ықпалын тигізеді деп санаймын.

Белсенді қатысқандарыңыз және қызықты сұрақтарыңыз үшін баршаңызға айтар алғысым шексіз!

• 09.03.2023
• 213